Saturday, November 10, 2007

Women’s interfaith Journey ah ka tel ve a!!

Oct ni 9-15 2007 khan, Hyderabad a Henry Martin’s institute a buatsaih, International seminar on Women’s interfaith journey neih a ni a. Centre for Women’s studies, University of Hyderabad aiawhin ka junior naga nula nen kan va tel ve a, beisei ai takin a lo nuam phian mai. He seminar hian a tum ber chu tunlai khawvel hmun hrang hrang a sakhua avanga buaina leh ram chhung buaina chungchang a hmeichhia ten harsatna an tawh te sutkian dan tur leh heng buaina chingfel tura remna leh muanna a awm theihnan, sakhaw hrang hrang betu hmeichhiaten in zawmkhawm in engtinge hma an lak ve ang? tih thupui hman a ni a,khawvel hmun hrang hrang Africa, England, Canada, Srilanka, Bangladesh, India ram aiawhin mithiam tak tak te paper buatsaih zirho a ni. Ram hrang hrang atanga kalkhawm kan nih avangin hmeichhiate harsatna tawrh a inang lo hlawm hle.


Sakhua a in ang lo a,khawtlang nun a inang lo bawk a, hmeichhe dinhmun leh an harsatna tawh te pawh a inang lo hlawm hle. Ram thenkhat ah chuan hmeichhiate sawisak an ni a, thenkhat pawngsual an ni bawk. Chutih lai chuan Srilanka ah te chuan hmeichhe thenkhat erawh suicide bombers an lo ni ve leh zel nen. Engtia hmalak tur nge ni ang le? Hmeichhia leh hmeichhe inkar pawh chinfel a ngai a ni tiin hnialna tam hle. ‘Engpawhnise remna leh muanna thlen tur hian hmeichhiaten kan ti ve thei a,sakhaw hrang ang a kal mai lovin kan tangkhawm thei a, thawkho turin kan inbuatsaih mek zel ang’ ni tih chu member kalkhawm te thuthlukna ber a ni.


Hemi ni hian rilru khawih em em mai chu, Manipuri nu Rose-i chuan he hun hi a tan chuan a mangangna leh harsatna a lo pairuk reng thin sawi chhuah nan rawn hmangin, an state a buaina avanga vawi tam tak pawngsual a lo nih toh avanga a rilru na reh theilo, chumai ni lovin a fanu ngei pawhin pawngsual a tawh thu tap chhuak hawm hawm chunga a rawn sawi khan member-te min vel tap nasa hle.

3 comments:

Puia said...

Ka travel plan ka thlak a ngai a, December 4-8 hian UN meeting urgent a awm dawn a, min rawn sawm ve leh thut si a, ka han kal veleh zawk dawn a nih hmel Geneva lamah. Lehkhabu or hmeichhe lam thil hriat duh te i neih chuan UN Library lamah ka lo en sak ang che.

azialo said...

I lo haw leh dawn lo tiyhna ni mo? Book chu women lam thil nih chuan ka duh tops..ka lawm viau ang..ka haw hma leh thut maithei,ni 26 dec velah

Anonymous said...

va nawm hmel ve mawle